АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ ДӨРӨВДҮГЭЭР ХУРАЛДААН БОЛЛОО

2017 оны 06 сарын 30
АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ ДӨРӨВДҮГЭЭР ХУРАЛДААН БОЛЛОО

Өмнөговь аймгийн Иргэдийн Төлөөлөгчдийн Хурлын ээлжит дөрөвдүгээр хуралдаанд Иргэдийн Төлөөлөгчдийн Хурлын 33 төлөөлөгчөөс 29 төлөөлөгч оролцож 87,8 хувийн ирцтэйгээр хуралдаж 6 асуудлыг хэлэлцлээ.

Тодруулбал 2016 оны төсвийн гүйцэтгэл, аймгийн  2017 оны төсвийн тодотголыг 123,6 тэрбум төгрөгөөр баталлаа.

Түгээмэл тархацтай ашигт малтмал /шавар/  ашиглах хүсэлт гаргаж буй зарим газрыг орон нутгийн тусгай хамгаалалтаас чөлөөлөх тухай асуудлыг хэлэлцэж тус асуудлыг аймгийн Иргэдийн Төлөөлөгчдийн Хурлын тавдугаар хуралдаанаар дахин хэлэлцүүлэхээр хойшлууллаа.

Мөн Өмнөговь аймгийн Гашуун сухайт, Шивээ хүрэнгийн хилийн боомтоор ашигт малтмалын тээвэрлэлт хийж байгаа аж ахуйн нэгж байгууллагын ачааны авто машинаас авах төлбөрийн хэмжээ тогтоосон тогтоолыг шинэчлэн баталлаа.

Даланзадгад-Цогтцэций чиглэлийн 59.6 км хатуу хучилттай авто замын ажлыг эрчимжүүлэх зорилгоор элс, хайрга ашигласны төлбөрийг зам барих зориулалтаар 2017 оныг дуустал 65 хувиар бууруулан тогтоолоо.

Аймгийн ИТХ-ын Тэргүүлэгчдийн бүрэлдэхүүнд өөрчлөлт оруулах тухай асуудлыг хэлэлцэж, Тэргүүлэгчдийн бүрэлдэхүүнээс С.Цэрэнбаяр, Б.Мөнхбат, Т.Буян-Өлзий нарыг чөлөөлж, Р.Сэддорж, Л.Батчулуун, Н.Энхбат нарыг Тэргүүлэгчээр сонголоо.

 

 

 

Мэдээний талаар?

Холбоотой мэдээлэл:


Сэтгэгдэл бичих: